An Tram hob i g'hobt

Tramt hob i ghobt, ma wos woa des gschmoh,
de gonze Wöd va'eint, koane Grenzn woan mea do.
Des woa vielleicht a Gschicht, a gonz ondas Lebm,
hot sogseng jo donn a koane Auslända doat gebm.
Gonz egal, wos'd higehst, doat gibts koane Kontroin
und wost a oiweu mitzahst, nix davo is zum vazoin.
Hots da a net gheat, trotzdem woas net gstoin,
so vü woa vo oim do, olle hom se gnomma wos woin.
Oame gibts a net und es is a koana reich,
weu wiatschoftlich gstöd san de doat olle gleich.
Kennan a koan Stress, koana muaß sie hetzn,
unnedige Gesetze muaß ma si widasetzn.
Weu doat a jeda a jedn und ois kennt,
gibts a koa "Fremd" und is ois gonz ungehemmt.

 

II: An Tram hob i ghobt, ma wos woa dea sche,
do woa de Wöd in Oadnung - iagndwia muaß des doch ge.
An Tram hob i ghobt und dea woa so sche,
do tat i am ollaliabstn sofoat glei wieda schlofa ge.:II

 

Hob an tram ghobt, i sogs eich dea woa net vakeat,
hom uns d'Wöd so gmocht, dass si koana beschweat.
Do hot a jeda to', so wias a si hoit gheat,
drum hots in Vota Stoot net braucht, dea iagndwen miteaneat.
A jede Frau steht doat wiakli gean no hintam Head
und i bin eana Meachenprinz aufm weißn Pfead.
In meim Tram host aus jedm Boch no saufm megn
und a auf de Gletscha is no gnua Eis drauf glegn.
Oba wiais tramt hob, dads woi net ge,
weu sogoa des Wetta woa hoit oiweu wundasche.
A im Soizkommaguad drin wochalong da Hämmi blau.
Zum Glick homs in Wean wos ondas gwöht ghobt, jo genau!
Hot net nua in Wean des Klima bessa gmocht,
hot a fia gonz östareich des jo e net gebm hot, wos brocht.
Und des beste on dea Wöd, de hom daot net amoi a Göd,
is a Tram von dem eich da Disasta jetz vazöht:

 

Se sogn zwoa Kiffa traman net, doch heit bin i aufgwocht,
hob mi on an Tram eainnat, den des Sondmännchen mia brocht.
Und fia den wead i jetz aufsteh, fix on d'Umsetzung gmocht.
Koa linx, koa rechts, koa om, koa unt, hob bis jetz nie so docht.
Koana do, dea wem wos oschofft, koana do, der wem nochfoigt.
Koana, dea si do recht aufspät, koana, dea wos si donn beugt.
Koana, dea an Hunga hot, koana, dea do wo dafriat.
Koana dea, wonn a si wetuat, vom Oazt net behondlt wiad.
In da tramwöd wao oin kloa, jo es geht nua mitanond.
Und de Weiba woan oi nockad, de woan sche, da brauchts koa Gwond.
Oi woan guat drauf, koana lästig, jo es hod si koana gschomt.
Weiß und schwoaz und rot und gelb, ja se gebm si olle d'Hond.
I hob tramt von a na Wöd, in deast aus da Kloschissl saufst,
one Auschläg z'griagn, wegn denan du da donn Tablettn kaufst.
Und wonn wea sogt, jo i dram netta vo woame Eislutscha,
so glaub i do, wia san oi gleich, vo Goisan bis Fallujah!

 

II::II

 

Des söbe hob i tramt domois scho ois klaona Bua
und a wonns a Weu dauat hot, jetz losts ma endlich zua.
Aufgfoin is ma glei, dass doat net amoi a Kronkheit gibt,
wonns a woam klingt, hom si de iagndwie doat olle gliebt.
Wia sowos one Inzucht tuad, hob i a koan Plan,
owa gonz a so, ois ob ma olle Briada und Schwestan wan.
A jeda woa oid gnua, dass a olles scho vasteht,
owa koano woa so oid, dass bereits aufs End zuageht.
Hät i's fost vagessn, des woa doat scho wäd,
egal wo i hi bin, hots unsre Liadl gspüt.
Frei a so, ois obs duat koa ondre Musi gibt
oda hoit grod unsre Liadl doat a jeda liebt.
Woch hob i ma donn docht, des haut doat a nua hi,
weu in dera Tramwöd olle genau so husig san wie i.
Do ko i a nix ändan dro, sonst wa i eicha Mo,
mitm Disasta, da AntideMOKr.at, dass d'Fraunwöd weida trama ko.

 

 

zurück zur Auswahl